Gov: Aadi nathlo aso, atha zala piso,
Thapla muzo bhezo, haath dharun thuzo.
Bail: Foti marunk nazo, poilo gunyav thuzo,
Thuvens naigi randhun randhun mog keloi muzo
Bhurge: Hai, hai, suru zali kaai,
Amgelya gharanthli sadhanchi ladai.
Bail: Dhisak theen theen pavti amger yethalo,
Moga moga munon maagir kazar zalolo.
Gov: Powder thondak thapun dhondhon kilo,
Pappan thuka dakon maka zavoi kelolo.
Bhurge: Hai, hai, maka somzana,
Kazar thumi zathana maka khabar na.
Bail: Katrinachya novryan hadlya thika saadi,
Thu re maka dinai kuskuta kaadi.
Gov: Kathrinaso navro choryen viktha soro
Thasle poishe aslyar saadiyo hadtho ek gaadi
Bhurge: Hai, hai, vodanchi ladai,
Daktya bhurgyani thanthu ghalunk nazo daai.
Bail: Kazarachya poile aslo dadhoshi,
Kazar zathas thodyas vorsan zaalo pittashi.
Gov: Atha urailyar mathare zathas khashi,
Yedol pasun novrya khasthar zavnai upashi.
Bhurge: Hai, hai, rava chikkeshe,
Bhuka maka lagtha vada illeshe.
Bail: Kazarche poile zaithi asli asha,
Atha mothint mujya bharlya nirasha.
Gov: Nirasnaka pishya, badhaltheli disha,
Zai kithe the hadtha thuka voson pardesha
Bhurge: Hai, hai, ladai sadhanchi,
Thodyas vela upranth zatheli raaji.
Bail: Asha amchi moga devak kalovya,
Bhaktha anthonilagi noven dharuya.
Gov: Bhurge bhuken radtha thaka vaduya,
Jevan zathas maandri sodavn upranth ulovya.
Bhurge: Hai, hai ladai mugdali,
Palya sakali porthun suru zatheli.